X

scroll down for video

scroll down for video

scroll down for video

“Patley dubley logon key shareer ko, underweight logon ki body ko yeh fabric volume aur fullness provide karta hai”. Namaskar Mitron, main hoon aapka Mitr, Tushar, Charu Creation Pvt Ltd se jo ki ek Fashion Fabric company hai Nehru Place, New Delhi me. Mitron, iss video me hum baat karenge Pleated fabric ki. Toh sabse pehla prashan, kya hai yeh pleated fabric? Jiss fabric mein sthaayee roop se, permanently, Pleats set hoon, vyavasthith hoon ussey Pleated Fabric yah Pre-Pleated Fabric kaha jaata hai. Agla Prashan, Aur yeh Pleat kya  hai? Pleat kapade mein ek prakaar ka fold, ek prakaar ki lapaet hoti hai jo kayi different shapes, alag-alag roop dhaaran kar sakti hai. Ek basic pleat, ek buniyaadee pleet bananey ke liye kapade ko ussi me vaapas moda jaata hai, jiss key parinaam swaroop ek accordion ki shape utpann hoti hai, ek baajey jaisa aakaar utpan hota hai. Haalaanki, pleats kayi shapes aur sizes, kayi aakaaron aur maapon mein aati hain. Kuchh Pleats evenly folded hoti hain, samaan roop se mudi hui hoti hain, jabaki kuch pleats ka shape aur size, aakar aur maap, uneven hota hai, aniyamit hota hai.

Saral bhasha mein kahein toh pleating ek dynamic folding technique hai, ek gatisheel tah takaneek hai jiska upyog Fashion Designers ancient Egypt key samay se, pracheen Misr key samay se kartey aa rahe hain. Pleats ka purpose, Pleats ka uddashay functional ya kahein kaaryatmak, decorative artharth sajawati ya dono ho sakta hai. Garments (Vastron) mein Pleated fabric body curves key saath, fit ho jaata hai, ya kahein shareer key vakron key saath anukool ho jaata hai aur jahaan aavashyak ho vahaan shape (aakaar), dimension (aayam) aur Volume (maatra ya kahein aaytan) pradaan karta hai. Pleated fabrics sey baney garments aapko freedom of movement provide kartey hain, saralta sey hilney dulney ki swatantrata pradaan kartey hain.

Yeh ek aisa seductive, manmohak fabric hai joh aapki body ki movement key saath saath move karta hai. Aesthetics (artarth soundarya) ko badaney key saath saath yeh fabric garments (vastron) mein airflow bhi possible kartey hain, vaayu ka pravaah sambhav kartey hain. Iska arth yeh hai ki Summers mein, garmiyon mein aap pleated fabrics sey baney garments mein bahut comfortable, bahut sukhad mehsoos karengey, chipchipa bilkul bhi mehsoos nahi karengey. Apney anek gunon key kaaran, Pleated fabrics sey baney garments, baney vastra Patley dubley logon key shareer ko, underweight logon ki body ko shape, volume aur fullness provide kartey hain artarth aakar, maatra aur paripoornata pradaan kartey hain.

Home decor items (greh sajawat ki vastuein) jaise ki cushion covers aur curtains artharth pardey bananey me bhi pleated fabrics ka badi maatra mey upyog hota hai. Fabric par pleating kayi prakaar se ki jaa sakti hai. Sabse purani takneek Hand Pleating ki hai. Aap fabric par pleats ko sew kar sakte hain, sil sakte hain. Doosra tareeka hai Machine Pleating ka. Special machinery, vishesh upkarnon ki sahayate se heat aur pressurized steam, garmee aur dabaavyukt bhaap, ka prayoog kartey hue fabric par pleats ka nirmaan kiya jaata hai. Aaj key samay mein Machine Pleating pleated fabric nirmit karney ka sabse pasandeeda tareeka hai.

Iss tareekey sey banni pleats bahut durable artarth tikau hoti hain. Iskey atirikt, Ek aur tareeka hai pleating ka, woh hai Chemical Pleating ki vidhi. Iss vidhi mein Kuchh chemicals ka, kuchh rasayanon ka upyog karkey pleated fabric nirmit kiya jaata hai. Mitron, latest machinery, adhunik aur naveentam upkarnon key phalswaroop bazaar me Pleated fabrics key alag alag prakaar key designs uplabdh hain.

Pre-pleated fabrics banaaney ke liye polyester pasandeeda fabric hai. Polyester fabric par pleats lagbhag fabric key poorey life span, poorey jeevan kaal key liye gatith reheti hain. Aamtaur par, pleating thin fabrics par, patley kapdon par ki jaati hai. Polyester fabric, khaastaur pey polyester chiffon aur polyester georgette, key soft, smooth aur lightweight characteristics artharth naram, chikna aur halkey phulkey hone ki visheshtain, iss fabric ko dressmaking key liye ek lokpriye vikalp banaatey hain.

Pleating karney key liye Silk georgette, silk taffeta, silk organza, aur cotton voile fabrics ka bhi upyog badi maatra mein kiya jaata hai. Skirts, evening gowns, kids dresses, pillows key nirmaan key atirikt pleated fabrics ka upyog aap garment key selected areas artarth chayanit kshetr jaise yoke aur sleeve cuffs bananey key liye bhi kar sakte hain. Dhyaan dijiye ki Pleated fabric ko iron, istree pleat ki direction, pleat ki disha me hi karna hai.

Mitron, iss video ko dekhne ke liye main aap sabhi ka abhaar prakat karta hoon. Main aasha karte hoon ki hamare fabrics se banaye huye products, banaye gaye utpaad aapke jeevan me sakaraatmak urja, positive energy ko badaayenge. Pleated fabrics ki collection dekhne ke liye, niche description me diye gaye links par click kare. Kissi bhi prakar ki fabrics ki jaankaari key liye aap humme +91-9971106200 par call kar sakte hain ya charu@charu.org.in par email bhej sakte hai. Mitron, aap agla video kiss vishay, kiss topic par dekhna chahengey, hummey comments me likhkar avashey batayein. Dhanyawaad, aapka din shubh ho.

scroll down for video

Scroll down for video

scroll down for video

scroll down for video

Ah Excuse-me, mujhe curtains bananey hain, main Velvet fabric use karon ya Velveteen fabric? Waise Velour fabric key baarey me bhi mainey thoda bahut  suna hai! Actually main thodi confused hoon! Kya aap meri help kar sakte hain?

Mitron, yeh batein, yeh prashan humse pratidin puchey jaatey hain. Toh iss video me, main Velvet, Velveteen aur Velour Fabrics me kya kya aantar hai, unko spasht karunga aur aapko yeh bhi bataunga ki kab kaunsey fabric ka upyog kiya jaaye! Namaskar Mitron, main hoon aapka Mitr, Tushar, Charu Creation Pvt Ltd se jo ki ek Fashion Fabric company hai Nehru Place, New Delhi me. Mitron, Velvet ek woven fabric hai joh Silk, Cotton, Viscose, Linen, Wool, Polyester key alag alag reshon sey bhi banta hai aur inn sab fibers key blends, inn sab reshon key mishran sey bhi banta hai.

Mitron, teeno fabrics me Velvet ki pile artharth iski dher sabse oonchi hai aur saath hi saath sabse dense artharth sabse saghan bhi hai. Velvet teeno fabrics me se sabse smooth artharth sabse chikna hai, aur sabse soft yaani sabse mulayam bhi hai. Velour aur Velveteen fabrics ki tulna me Velvet fabric sabse shaandaar, chamakdaar aur mehenga Fabric hai! Yeh drape bahut aachey taakekey sey hota hai.

Velvet ek bahut hi versatile fabric, bahumukhee kapda hai jiska upyog menswear aur womenswear, purush aur istree donon key kapdey, outerwear aur innerwear, upar sey pehney jaaney waaley kapdey aur bheetri vastra, home decor, greh sajawat ki vastuein itiyaadi key nirmaan mein hota hai. Doston, Woven fabric honey key kaaran, Velvet fabric me stretch artharth Kheechaav nahi hota. Velvet ko samaanayatah dry clean kiya jaata hai, wash nahi kiya jaata artharth dhoya nahi jaata. Mitron, Velvet fabric key vishay mein adhik aur vistrit jankari prapt karney key liye aap humare dwara velvet pey banaye gaye video ko dekh saktey hain. Video ka link, neechey description me diya hua hai. Mitron, ab baat kartey hain Velveteen fabric ki. Velvet key samaan hi Velveteen fabric ka nirmaan bhi double cloth loom par hota hai. Jahaan Velvet mey pile artharth dher bananey key liye warp yarn ko kaata jaata Hai artharth taaney ko kaata jaata hai wahin Velveteen fabric me weft yarn ko artharth baaney ko kaata jaata hai. Teeno fabrics me, Velveteen fabric ki pile length, dher ki unchai sab se kam hai.

Samaanayatah, Velveteen fabric ki pile length, dher ki unchai adhiktam 3 millimeter tak hoti hai. Teeno fabrics me, Velveteen fabric sabse stiff artharth sabse kada hai. Aam taur par Velveteen ka nirmaan Cotton, Rayon, Polyester, Silk ya in sabb reshon key mishran se hota hai. Matte finish waaley iss fabric ko faux Velvet arthath nakli Velvet key naam sey bhi pukaara jaata hai aur iska touch, iska sparsh cordruoy fabric key samaan prateet hota hai. Woven fabric honey key kaaran, Velvet key samaan hi velveteen me stretch artharth Kheechaav nahi hota. Mota, tikau aur mazboot fabric honey ke kaaran Velveteen fabric ka upyog badi maatra mein garam trousers, dresses, skirts, coats, waistcoats, ityaadi key nirmaan mey hota hai. Casual wear ki liye yeh ek achha vikalp hai.

 Velvet aur Velour ki tulna me yeh kam chamakdaar hai aur saath hi saath iski drape bhi kam Hai. Toh dhyaan dijiye, yadi aap koyi aissi dress yah koyi aissi vastu banana chahatey hain jissme acche drape ki avashyakta hai toh Velveteen key sthaan par Velvet ya Velour Fabric ka prayoog kijiye. Silk fiber, silk key reshey sey banney velveteen fabric ko chod kar, anaye reshon sey baaney velveteen fabric ko hand wash yah machine wash bhi kiya ja sakta hai.

Mitron, ab baat karte hain Velour fabric ki. Velour Cotton, polyester, viscose, Silk ya in sabb reshon key mishran se bana ek knitted fabric hai jo Velvet jaisa dikhata hai. Knitted fabric honey key kaaran Velour fabric Velvet aur Velveteen ki tulna me adhik lacheela hai. Isme stretch sabse zyaada hai. Issi karaanvash, Velour fabric ka upyoog dance aur sports clothes, nritay aur khel ke kapadon, jaise leotards aur tracksuits, key nirmaan me sabse adhik hota hai.

Velour fabric Velveteen se adhik shiny aur Velvet se kamm chamakdaar hai, kamm shiny hai. Velveteen aur Velvet ki pile length ki tulna me Is fabric ki pile length, dher ki unchai madhyantar me hai, artharth Velveteen se adhik aur Velvet se kamm. Velour Ka upyog dono formal wear aur casual wear bananey ke liye kiya jaata hai.

Iski drape Velvet key samaan hai aur issi kaaran Velour fabric ka upyog curtains aur draperies artharth pardey bananey me badi maatra me hota hai. Aap Velour fabric ka ek special characteristic, ek vishesh gunvatta jaan key achambhit hongey. Kayi prakaar key Velour Fabrics Inherently Fire Retardant hote hain artharth svaabhaavik roop se aagni pratirodhee hai. Yeh visheshta Velvet me nahin hai. Issi kaaranvash Event industry coordinators agni se bachaav ke liye aam taur par pardey, sofa covers ityaadi Velour fabric key banatey hain. Velour fabric ka upyog Velvet key samaan hi Jewellery Protectors artharth aabhooshan rakshak key nirman me bhi hota hai. Agar Aap apane gahanon ko kharaab hone se bachaana chaahate hain toh Velvet aur Velour donon hee aapke keemtee gehnon kee suraksha ke liye behatareen vikalp hain. 

Yeh dono fabrics bahut narm hote hain aur inse baney Jewellery Protectors mein gehenon ko Scratches artharth kharonchein nahi aati. Velveteen key samaan hi Silk reshey se banni Velour ko chod kar, anaye reshon sey nirmit Velour ko hand wash ya machine wash kiya ja sakta hai. Mitron, iss video ko dekhne ke liye main aap sabhi ka abhaar prakat karta hoon. Main aasha karte hoon ki hamare fabrics se banaye huye products, banaye gaye utpaad aapke jeevan me sakaraatmak urja, positive energy ko badaayenge.

Velvet, Velveteen aur Velour fabrics ki collection dekhne ke liye, niche description me diye gaye links par click kare. Kissi bhi prakar ki fabrics ki jaankaari key liye aap humme +91-9971106200 par call kar sakte hain ya charu@charu.org.in par email bhej sakte hai. Mitron, aap agla video kiss vishay, kiss topic par dekhna chahengey, hummey comments me likhkar avashey batayein. Dhanyawaad, aapka din shubh ho.

scroll down for video

scroll down for video

scroll down for video

scroll down for video

scroll down for video

Kya aap ek Fashion Designer hain joh ladies key luxurious evening wear, romantic evening dresses bananey key liye fabric dhoond rahe hain? Agar haan, toh yeh video anth tak avashaye dekhein. Namaskar Mitron, main hoon aapka Mitr, Tushar, Charu Creation Pvt Ltd se jo ki ek Fashion Fabric company hai Nehru Place, New Delhi me. Mitron, aaj is video me hum baat karengey fabric of Romance ki, yaani Velvet ki. Stunning Womenswear, adbhut mahilaon ke kapdey bananey key liye bahut famous, atti prasidh Velvet fabric womanly curves ko accentuate karta hai, artharth shareer key angon ko ubhar kar pradarshit karta hai. Velvet key wonderful characteristics, Velvet ki kamaal ki visheshtain jaise attractive softness, mann ko moh lene waali komalta, amazing smoothness, gazab ka chikna sparsh evam shiny look, chamakdaar satah ek saadharan manushya key lag bhag sabhi senses ko attract karti hain, lag bhag sabhi indriyon ko aakarshit karti hain. Aur issi kaaran Velvet ko Fabric of Romance kaha jaata hai.

Gazab ki drape waala Velvet fabric, Poori duniya mein sabse soft artharth sabse narm aur sabse smooth artharth sabse chikney fabrics me se ek hai. Apney issi luxurious characteristics, aaleeshaan visheshataon ki vajah sey Velvet fabric Bahut lambey samay se Royalty (Rajasi Gaurav) aur Aristocracy artharth kuleen tantra ka prateek raha hai. Kissi fiber, kissi reshey key bajaay, Velvet shabd uss process ko refer karta hai, uss prakriya ko suchit karta hai jiss prakriya sey yeh fibers ek saath structure karey gaye hain, ek saath sanrachit karey gaye hain.

Mitron, Velvet ka nirmaan ek special loom, ek vishesh karghey, double cloth loom par hota hai. Yeh loom, fabric ki 2 layers ko, kapdey ki do paraton ko ek saath weave karta hai, ek saath bunnta hai. Baad mein, inn 2 layers ko, 2 paraton ko beech me sey baraabari sey kaat diya jaata hai. Aur yeh do Katey hue fabric pieces, do barabari mein katey hue kapde key tukde velvet fabric key 2 running material hotey hain. Mitron, velvet ki upari satah par katey hue dhaagey, katey hue threads evenly distributed hotey hain, samaan roop se vitrit hotey hain.

Yeh katey hue dhaagey ek soft dense pile ko, mulayam saghan dher ko janam detey hain. Issi pile, issi dher key kaaran softness, komalta ka doosra naam velvet hai, artarth makhmal hai. Paaram parik roop se Velvet ka nirman silk fiber, resham key reshey se hota aa raha hai parantu aaj key samay mein bazaar mein Cotton, Viscose, Linen, Wool, Polyester Velvet aur inn sab fibers key blends, inn sab reshon key mishran sey banney Velvet fabrics bhi saralta se uplabdh hain.

Mitron, bhinn bhinn reshon, different fibers sey nirmit Velvet fabrics key atirikt, alag alag designs key Velvet Fabrics bhi baazar may uplabdh hain. Pehla Prakaar hai: Crushed Velvet- Velvet ko ghumakar yah geelay Velvet fabric ko dabakar, pressure dekar fabric may crushed appearance layi jaati hai. Doosra Prakaar hai Burntout Velvet Ka: Iss prakaar key Velvet fabric mein different patterns bananey ke liye, vibhinn aakritiyaan bananey ke liye kuchh bhaag ko pile-free kiya jaata hai, dher mukt kiya jaata hai. Teesra Prakaar hai Embossed Velvet ka: Iss prakaar mein fabric par decorative designs ko, vibhinn prakaar ki sajawati aakritiyon ko emboss yah Heat Stamp artarth taap key saaath mudrankit kiya jaata hai.

Rajasthani band galey key nirmaan mein Embossed Velvet fabric ka badi maatra me prayog hota hai. Iss fabric ka home decor artharth greh sajawat ki vastuein jaise curtains (pardey), cushions aur pillows (takiye), bedsheets aur blankets (chaadrein aur kambal) key nirman mein bharpoor prayoog hota hai. Chautha prakaar hai Stretch Velvet fabric- Iss prakaar key velvet mein, spandex ya kahein lycra key fibers, reshey mishrit kiye jaate hain taaki stretchy quality aur flexibility, khichanv waali gunvatta aur lacheelapan pradaan karein ja sakey. Shareer key curves ko accentuate karney key liye artharth curves ko ubharna key liye, body hug karney key liye, shareer key saath chipkaney key liye Stretch Velvet fabric ideal hai, aadarsh hai. Jumpsuits bananey key liye yeh ek bahut achha option, ek bahut achha vikalp hai.

Panchwa prakaar hai Lyons Velvet ka- is prakaar ka Velvet anay kismon kee tulana mein adhik dense, adhik saghan hota hai aur zayaada stiff( kathor) hota hai. Outerwear artharth upar sey pehneney waaley kapdey aur vastuon jaise ki coats aur hats key nirman key liye Lyons Velvet ko shresth vikalp maana gaya hai. In mukhye prakaaron key atirikt bhi kayi aur prakaar hain udharanta Pile on Pile Velvet, Panne Velvet, Nacre Velvet, Chiffon Velvet itiyadi. Mitron, ab baat karte hain ki aap kaunsey Garments, kaunsey vastra aur kaunsey home decor, greh sajawat ki vastuein kiss fiber, kiss reshey sey nirmit Velvet sey bana sakte hain.

Agar aap evening dresses, wedding gowns aur formal wear banana chahatey hain toh aap Silk Velvet ka prayoog kar saktey hain. Silk velvet jaadui roop se chamakdaar, Narm aur mulayam hota hai. Silk Velvet ka drape bhi bahut shaandaar hai. Silk velvet se banni lingerie, luxury ka symbol hai, luxury ka prateek hai. Yadi silk velvet aapkey budget sey baahar hai toh aap Viscose Velvet yah Polyester Velvet ka bhi prayoog kar saktey hain. Polyester Velvet ki khaas baat hai ki yeh mildew resistant hota hai artharth phaphoondee pratirodhee hota hai.

Sabse sasta honey key parinaam swaroop, Polyester Velvet ka prayog har prakaar key garments, outerwear, lingerie aur home decor items key nirmaan mein sabse adhik hota hai. Yadi aap outerwear jaise jackets, coats, trousers ityaadi banana chahatey hain toh cotton velvet ka prayog kar sakte hain. Doosrey Kismon ke tulna me cotton velvet ka drape kam hai parantu yeh soft, mulayam hone ke saath saath bahut hi sturdy, bahut hi mazboot fabric hai. Yadi aap accessories jaise hats nirmit karna chahate hain toh Wool Velvet ek aacha vikalp hai. Agar aap vintage look waale curtains, Pardey banana chahatey hain toh linen velvet aapki sahayta kar sakta hai. Mitron, ab baat kartey hain Velvet ki Wash and Care- Dekhbhaal key baarey mein.

Velvet ek luxury fabric hai jiski dekhbhaal uchit roop se kee jaani chahiye. Textile Experts, Kapdey key visheshegyon key anusaaar Velvet fabric ko dry clean karna chahiye. Istree karney key isthaan par Velvet fabric ko steam press karein. Jahaan tak storage ka sambandh hai, yaad rakhein ki lambey samay tak mudey reheney key paarinaam swaroop Velvet fabrics mein crease artharth shikan aa sakti hai. Ho sakey toh Velvet se baney garments ko flat yaani sapaat rakhen.

Mitron, iss video ko dekhne ke liye main aap sabhi ka abhaar prakat karta hoon. Main aasha karte hoon ki hamare fabrics se banaye huye products, banaye gaye utpaad aapke jeevan me sakaraatmak urja, positive energy ko badaayenge. Velvet fabrics ki collection dekhne ke liye, niche description me diye gaye link par click kare. Kissi bhi prakar ki fabrics ki jaankaari key liye aap humme +91-9971106200 par call kar sakte hain ya charu@charu.org.in par email bhej sakte hai. Mitron, aap agla video kiss vishay, kiss topic par dekhna chahengey, hummey comments me likhkar avashey batayein. Dhanyawaad, aapka din shubh ho.

0
    0
    Your Cart
    Your cart is emptyReturn to Shop